6 დღიანი ხანძრის ქრონიკა

20 აგვისტო

 

ბორჯომის მუნიციპალიტეტში სოფელ დაბის ტყეში ხანძარია - ეს შეტყობინება  112-ში 20 აგვისტოს დღის პირველ ნახევარში შევიდა.

ხანძრის კერა 2008 წლის აგვისტოს თვეში რუსეთ-საქართველოს შეიარაღებული კონფლიქტის შედეგად გადამწვარი ტყის ფართობზე  გაჩნდა იმის

პარალელურად დაიწყო ხანძრამდე ტექნიკის შესაყვანად ალტერნატიული გზების ძებნა და მთის მეორე მხრიდან სოფ. ყვიბისის თავზე გზის გაყვანა,

სტიქიას უკვე რეგიონიდან მობილიზებული ცოცხალი ძალა ებრძვის.



21 აგვისტო

21 აგვისტოს, ამ განცხადებიდან რამდენიმე საათში,  ძლიერი ქარის და მაღალი ტემპერატურის გამო დაბაში მდგომარეობა გართულდა,

გაიზარდა ხანძრის მასშტაბი, სტიქიასთან 24 საათიანი ბრძოლის შემდეგ ცეცხლის კერებმა მოიმატა,

აზერბაიჯანი საქართველოს ვერტმფრენით დახმარებას სთავაზობს.

 

21 აგვისტოს საღამო - 30 საათი ხანძრის გაჩენიდან

 

21 აგვისტოს დღის ბოლოს სტიქია უმართავი ხდება, ჩნდება ხანძრის დასახლებულ პუნქტამდე გავრცელების საშიშროება,

სოფელ დაბის მოსახლეობა ქუჩაშია, ხალხი პანიკაშია, სახლს ტოვებს ტყესთან ყველაზე ახლოს მცხოვრები ერთი ოჯახი.

 

დაბაში პრემიერ-მინისტრი გიორგი კვირიკაშვილი ჩამოდის, იქმნება სტიქიასთან ბრძოლის საგანგებო შტაბი,

შტაბის შემადგენლობაში შედიან შინაგან საქმეთა, გარემოს დაცვის, რეგიონული განვითარებისა და ინფრასტრუქტურის სამინისტროების,
ადგილობრივი ხელისუფლების და კრიზისების მართვის საბჭოს აპარატის წარმომადგენლები.

წაღვერში იმართება შტაბის პირველი სხდომა, შტაბი 24 საათიან რეჟიმში იწყებს მუშაობას.

საქართველომ დახმარებისთვის თურქეთს და აზერბაიჯანს მიმართა.

 

იმავე ღამით დაბაში დასახლებულ პუნქტებთან განლაგდა ხანძარსაწინააღმდეგო ტექნიკა, მობილიზებულია ცოცხალი ძალა,
ხანძრის სახლებისკენ გავრცელების შიშით ღამეს ქუჩაში ათევს მოსახლეობა.

22 აგვისტო


დილიდან სტიქიის ზონაში 3 ვერტმფრენი - ორი ქართული და ერთი აზერბაიჯანული იწყებს მუშაობას,
მობილიზებულია 100 ტყის მცველი და 300 მეხანძრე-მაშველი, ღამის განმავლობაში მიუდგომელ ადგილებში მუშაობს მძიმე ტექნიკა,

სტიქიასთან ბრძოლის სამუშაოებში ერთვებიან მოხალისეებიც. საგანგებო შტაბი დაბის ტერიტორიაზე კარავში განთავსდა.

დღის მეორე ნახევარში დაბაში ძლიერი დაკვამლიანებაა, ჰაერში ფერფლია, ჯანდაცვის სამინისტრო მოსახლეობას და სამაშველო სამსახურებს პირბადეებს ურიგებს,

ხეობას ტოვებენ დამსვენებლები.

 

ხანძრის გავრცელებას ხელს უწყობს მეტეოროლოგიური პირობები. საქართველოს დახმარებას რუსეთის ხელისუფლება სთავაზობს.

დღის მეორე ნახევარში ქართულ და აზერბაიჯანულ ვერტმფრენებს თურქული ავიაცია ემატება, მათ შორს ერთი თვითმფრინავი.

ხანძარი ბორჯომი ბაკურიანის დამაკავშირებელ ცენტრალურ გზამდე ჩამოდის.

 

მთავრობას მზად აქვს სტიქიის მიმდებარე სოფლებიდან მოსახლეობის ევაკუაციის გეგმა, თუმცა აქვე განმარტავენ რომ მისი გამოყენების საჭიროება არ არსებობს.

საქართველოს პრემიერ-მინისტრმა გიორგი კვირიკაშვილმა საქართველოს პრეზიდენტს, გიორგი მარგველაშვილს ქვეყნის რეგიონებში გაჩენილი ხანძრის ლიკვიდაციის მიზნით,
"სამხედრო ძალების გამოყენების წარდგინებით" მიმართა.

ვერცერთი უწყება გადამწვარი ტყის ფართობს კონკრეტულად ვერ ასახელებს.

ციდან ვერტმფრენების და ხმელეთიდან ცოცხალი ძალის 3 დღიანი ბრძოლა სტიქიასთან უშედეგო აღმოჩნდა, დაბაში ხანძარი ისევ მძვინვარებს.

 

23 აგვისტო


დილა შედარებით იმედიანია

ბორჯომის ცაზე МИ-26 გამოჩნდა,  ტვირთამწეობით მსოფლიოში ყველაზე დიდმა ვერტმფრენმა ცეცხლის ქრობის სამუშაოები დაიწყო,
ვერტმფრენი ბელარუსიიდან ბორტზე მყოფ 10 მაშველთან ერთად გამოფრინდა.

ბორჯომის ხეობაში ჩამოდის აზერბაიჯანული და სომხური ეკიპაჟები,  სტიქიის ზონაში იმყოფება 95 მეხანძრე-მაშველი აზერბაიჯანიდან და 70-მდე სომხეთიდან.
ხანძრის ლიკვიდაციაში ჩართულია აზერბაიჯანიდან და სომხეთიდან გამოგზავნილი  მძიმე ტექნიკაც.

 


დაბაში საქართველოს პრეზიდენტი გიორგი მარგველაშვილი ჩადის და არსებულ მდგომარეობას ადგილზე ეცნობა.

 

ს ხე-მცენარეები რაც 2008 წლის აგვისტოს ომს გადაურჩა დაფერფლილია, ხანძარს შეეწირა ომის შემდეგ აღდგენილი და გამწვანებული ტყის გარკვეული ნაწილი.

მთავრობა ხანძრის განზრახ გაჩენას არ გამორიცხავს და დივერსიის ვერსიაზე მუშაობს

 


სტიქიის ზონაში მოხალისეები ბენზინის ცარიელ ავზს პოულობენ,

ბორჯომში იწყება საგამოძიებო მოქმედებები, ადგილობრივ სასტუმროებში გროვდება ინფორმაცია ბოლო კვირის განმავლობაში ქალაქში შემოსულ ტურისტებზე.

 

12 ჰექტარი - გადამწვარი ტყის სავარაუდო ფართობი

24 აგვისტო


სტიქიის ზონაში ერთი ახალი კერა ჩნდება, ამჯერად მეხანძრე-მაშველები არდაგნის დასახლებაში სასაფლაოს მიმართულებით გავრცელებულ ცეცხლს ებრძვიან,

საგანგებო შტაბი 5 დღიანი მუშაობის შედეგებს აჯამებს.

დღის მეორე ნახევარში სტიქიის ზონაში პატრიარქი ჩადის, ილია მეორე პარაკლისს მართავს და მეხანძრე-მაშველებს ლოცავს.

 

25 აგვისტო



პრემიერ-მინისტრის გადაწყვეტილებით ხანძრის ქრობის პროცესში ქართული ჯარი ჩაერთო

ბოლო ინფორმაციით ხეობაში დამწვარია 100 ჰექტარზე მეტი ტყის მასივი

ბორჯომის ხეობა ხანძრამდე და ხანძრის შემდეგ.

 

მასალაში გამოყენებულია ფოტოები, გარემოს დაცვის სამინისტროს, საქართველოს მთავრობის და საზოგადოებრივი მაუწყებლის ვებ-გვერდებიდან.

 

შექმნილია  “ჯამპსტარტ ჯორჯიას” მიერ